Policia e Kavajës ka vendosur në pranga një prej autorëve të plagosjes me armë zjarri të një 43-vjeçari, gjatë konfliktit të ndodhur pasditen e djeshme 30 qershor, në fshatin Luz i vogël. Autori është identifikuar si Ervis Deliu, banues në Kavajë. Ai akuzohet për veprat penale "Plagosja e rëndë me dashje" dhe "Prodhimi dhe mbajtja pa leje e armëve luftarake dhe e municionit". Nga veprimet hetimore dyshohet se 26-vjeçari, në bashkëpunim me dy shtetas të tjerë kanë plagosur 43-vjeçarin me iniciale E. D. për motive tëg dobëta, i cili ndodhet në spital, në kujdesin e mjekëve. Policia ka bërë me dije se vijon puna për kapjen e 2 autorëve të tjerë të plagosjes. Sakaq, forcat blu kanë sekuestruar armën e zjarrit pistoletë të dyshuar të përdorur gjatë konfliktit dhe sasi municioni luftarak, ndërsa materialet i kaluan Prokurorisë, për veprime të mëtejshme.