Partia e Lirisë ka nisur punën për të intensifikuar aksionin e saj politik për zgjedhjet parlamentare të vitit 2025.sekretari I përgjithshëm I PL, Tedi Blushi zhvilloi një takim me shtabin drejtues të njësisë numër 5 Tiranë. Ai kërkoi që të nisin takime derë më derë dhe të “ndizen motorët” me qëllim fitoren e opozitës në zgjedhjet e vitit 2025 ndërsa e cilësoi arrestimin e Ilir Metës si politik. e vetmja arsye pse është izoluar me këtë masë ekstreme Presidenti i Partisë së Lirisë, Ilir Meta, President i Partisë së dytë opozitare në vend dhe ish-President i Republikës është një shërbim i neveritshëm që Altin Dumani dhe SPAK i bën sot Narkoregjimit të Edi Ramës në mënyrë që të sundojë në kurriz të shqiptarëve edhe për një mandat tjetër. Ai tha se Meta është në burg për shkak të bindjeve të tij politike. Presidenti Meta është sot në burg politik për shkak të bindjeve të tij, të vullnetit dhe qëndrimeve të palëkundura, parimore, institucionale dhe politike si dhe të kërcënimit që përfaqëson për këtë regjim mafioz që ka si të vetmen agjendë kryesore shpopullimin e vendit dhe zhbërjen e identitetit kombëtar dhe cënimin e interesave kombëtare siç është edhe shitja e qëllimshme e Detit, një tradhëti Kombëtare apo sic është shitja e çështjes së Kosovës nëpërmjet projektit të ndryshimit të kufijve të Kosovës apo siç e kemi parë të gjithë mbështetjen e Edi Ramës për “Ballkanin e Hapur” që nuk ka patur asnjë qëllim tjetër vetëm zhbërjen e Kosovës. Blushi kërkoi nga anëtarët e PL që të njohin të githë qytetarët me pesë pikat e programit.