Mbledhja maratonë e Kryesisë, grupit parlamentar dhe kolegjit të kryetarëve të Partisë Demokratike zyrtare nuk ka dalë as me kandidatë për bashkitë e mëdha të vendit dhe as me një vendim të qartë nëse do të garohet në të gjithë vendin, apo jo. Burime nga takimi, që zgjati deri pas mesnate pohojnë për Top Neës se diskutimet kanë qenë të nxehta. Në Kryesi kanë qarkulluar disa emra për Tiranën. Veç Roland Bejkos dhe Jonila Godoles është propozuar edhe Jorida Tabaku dhe ish-deputeti Xhemal Gjunkshi. Që të dy e kanë refuzuar propozimin duke argumentuar se nuk donin të përçanin votën e opozitës.