Një person është arrestuar mesditës e së shtunës në Portin e Durrësit, pasi rezulton i përfshirë në trafikimin e makinave të zbuluara të premten, nga policia e Vlorës. Knkretisht 33-vjeçari Ferdinant Mirukaj dyshohet se ka bashkëpunuar me dy shtetasit e proceduar penalisht, për trafikimin në Shqipëri të 2 automjeteve të vjedhura në Itali, me vlerë rreth 280 000 euro. Grupi i trafikantëve iu bënin makinave ndryshime në elementet identifikuese dhe pajisnin këto automjete me dokumente false, me qëllim shitjen në vendin tonë. Ai ishte shpallur në kërkim në kuadër të operacionit policor të zhvilluar ditën e premte nga Seksioni për Hetimin e Trafiqeve në Drejtorisë Vendore të Policisë Vlorë. Prkuroria e Vlorës po kryen hetime të mëtejshme për të vën ëpërpara përgjegjësisë ligjore personat e përfshirë në këtë veprimtari kriminale. Një ditë më parë policia sekuestroi dy automjete tip “Mercedes Benz”.