Gjykata e Posaçme Antiorrupsion la në burg nëntë prej të arrestuarve gjatë operacionit që u zhvillua të premten, ku u lëshuan 50 urdhërarreste. Naim Stafuka, Armando Ndreca, Robert Laçi, Viktor Imeraj Satilno Basho, Deivis Bajramaj, Drianto Bardhi, Miri Bruli u mbyllën në qeli. Të akuzuarit sipas spak, janë pjesë e shtatë grupeve të fuqishme kriminale që vepronin në disa qytete të vendit. Ata janë të përfshirë në një sërë ngjarjesh të ndryshme kriminale mes të cilave, vrasje por dhe trafik droge. Gjatë aksionit u ekzekutuan 20 urdhërarreste, 14 në Shqipëri dhe pjesa tjetër jashtë vendit. Ndërsa vijojnë në kërkim 30 të tjerë. Sipas SPAk u kontrolluan rreth 50 ambiente banimi si dhe u sekuestruan në cilësinë e provës materiale pasuri me vlerë të përafërt mbi 4,5 milion Euro, ku përfshihen: rreth 3 milionë euro kesh. Sasi të konsiderueshme floriri dhe bizhuteri të shtrenjta; Ora të markave të shtrenjta me një vlerë të përafërt prej 500.000 Euro; Armë zjarri; Targa të përshtatura automjetesh; makina luksoze (nga të cilat 5 të blinduara me vlerë mbi 500,000 Euro) si dhe sisteme vrojtimi kamerash, tavolinë pokeri. Ajo që është karakteristikë për këta grupe kriminale - thotë SPAK - është dhuna e egër e treguar në kryerjen e krimeve, kryesisht ndaj njëri tjetrit. Në këtë veprimtari kriminale janë të përfshirë dhe sh-deputeti Arben Ndoka si dhe katër efektiv policie.