Ekspertët kanë frikë se copat e bizhuterive të vjedhura në muzeun e Luvrit mund të jenë thyer tashmë dhe gurët të jenë prerë për të fshuhur gjurmët. Ndërkohë dy të dyshuarit e ndaluar për grabitjen e xhevahireve në Luvër në Paris kanë pranuar "pjesërisht" pjesëmarrjen e tyre, ndërsa autoritetet besojnë se ata janë burrat që hynë me forcë në muzeun më të vizituar në botë. Prokurorja e Parisit që po heton rastin, Laure Beccuau u tha gazetarëve në një konferencë për shtyp se të dy përballen me akuza paraprake për vjedhje të kryer nga një bandë e organizuar dhe konspiracion kriminal dhe pritet të mbahen në paraburgim të përkohshëm. Hetuesja nuk dha detaje rreth komenteve të bëra nga ana e dy autorëve të dyshuar. Hajdutëve iu deshën më pak se tetë minuta për të vjedhur bizhuteritë me vlerë 88 milionë euro më 19 tetor, pasi hapën me forcë një dritare, prenë kutitë me mjete elektrike dhe ikën me tetë copë nga bizhuteritë e kurorës franceze.