Një mekanizëm i thjesht, pa burokraci dhe funksional pothuajse në të gjitha platformat dhe aplikacionet e komunikimit me internet është shndërruar në kanalin kryesor të kryerjes së transfertave monetare në Brazil. I prezantuar nga Banka Qendrore e Brazilit në nëntor të vitit 2020, si një masë për të lehtësuar transfertat e parave të qytetarëve në një vend të goditur nga pandemia e Covid dhe kufizimet, mekanizmi Piks sot është më popullori në vendin e Amerikës Latine, duke tejkaluar edhe shërbimet tradicionale amerikane të kartave të kreditit.