Pistoleta e skenës që vrau drejtoreshën e fotografisë Halyna Hutchins ishte përdorur nga disa anëtarë të kastit të filmit Rust, për lojë, jashtë setit, duke përdorur plumba të vërtetë. SIpas mediave amerikane, kjo mund të shpjegojë edhe faktin që ajo kishte municione të vërteta në momentin që e përdori aktori Alec Baldëin. Gjithnjë sipas mediave, arma përdorej me plumba të vërtetë edhe nga anëtarët e stafit jashtë setit për tu trajnuar në qitje. Policët kanë gjetur ndërkaq plumbat e vërtetë dhe gëzhojat në të njëjtën zonë. Alec Baldëin tani rrezikon pasoja për vrasjen aksidentale të drejtoreshës së fotografisë, jo në petkat e aktorit që ka qëlluar, por si një nga producentët. Sipas disa ekspertëve ligjorë të përmendur nga mediat amerikane, ka pak gjasa që ai të akuzohet për vrasje pasi nuk e dinte se pistoleta ishte e mbushur. E vetmja mundësi që ai të inkriminohet penalisht do të jetë nëse do të provohet se ai ka përdorur armën në mënyrë të rrezikshme, gjë që deri më tani nuk është vërtetuar. Si një nga producentët e filmit Rust, ai rrezikon ndërkohë një seri aksionesh ligjore nëse do të vërtetohet neglizhenca në siguri.