Uniformat blu po hetojnë disa pista për atentatin e ndodhur mbrëmjen e të enjtes në Lundër, në periferi të Tiranës. Mësohet se familja Demiraj dhe Mullai nuk kanë ndonjë konflikt të hapur. Pista kryesorë, ku po heton policia, është se mund të ketë ndodhur një ngatërrim i objektivit nga atentatorët. Dyshohet se ngjarja ka lidhje me atentatin të ndodhur po ditën e enjte në Lezhë, ku mbeti i vrarë babai i Roan Brahimit, rival i Ervis Martinajt, i zhdukur tashmë prej shumë kohësh. Mendohet se shënjestër e atentatit në Lundër ka qenë, gruaja e Roan Brahimit, e cila përdorte një makinë G Class të zezë, thuajse identike me automjetin që u qëllua në mbëmje dhe me targë të përafërt. Ky dyshim bazohet edhe në faktin që autorët kishin ngritur kurth në një rrugë ku sipas badigardit kjo makinë po kalonte për herë të parë natën e ngjarjes.