John Bolton, ish këshillar i sigurisë Kombëtare i Presidentit amerikan Donald Trump gjatë mandatit të parë të tij në detyrë, thotë se është bërë e qartë tani se ku do të shkojnë negociatat me presidentin rus Vladimir Putin për Ukrainën. “Unë mendoj se di ekzaktësisht se cfarë do të ndodhë: Presidenti Trump, efektivisht është dorëzuar para Putinit që para se negociatat të fillojnë”, tha Bolton për CNN. Trump të mërkurën foli me homologun e tij rus dhe tha se kishin rënë dakord të nisnin negociatat për përfundimin e luftës. Më vonë, sekretari i mbrojtjes Pete Hegseth tha se ukraina nuk mund të kthehet në kufijtë e mëparshëm dhe se nuk duhet të bëhet pjesë e natos. Bolton i quajti këto lëshime, përmbysje të plotë të pozicionit të SHBA-së dhe një fitore të madhe për Putinin. “Pozicionet që Sekretari i Mbrojtjes Hegseth shpalli në Bruksel, të cilat jam i sigurt se Trump ia ka transmetuar drejtpërdrejt Putinit në bisedën e tyre telefonike, përbëjnë kushtet e një marrëveshjeje që mund të ishte shkruar në Kremlin”, tha Bolton duke i quajtur ato një gabim të madh.