Ish-kryeministri, njëherësh kryetar I Partisë Demokratike, Sali Berisha, ka reaguar pas vendimit të apelit të Gjykatës kundër Korrupsionit dhe Krimit të Organizuar, që riktheu masën e parë dhënë ndja tij, atë të detyrimit për tu paraqitur 2 herë në muaj në prokurori. Në një prononcim për mediet në dalje nga selia blu, ish-kryeministri e konsideroi si një pilulë elektorale dhe vendim pa bazë ligjore. Vendim pa asnjë bazë ligjore, pilulë elektorale për të pashpresin Edi Rama. Përpjekje e dështuar e organizatës kriminale që quhet Skrapi i Partisë, për të justifikuar veprën e tyre dhe në këtë kontekst dëshmi e re e kontrollit të plotë dhe total të SKRAP-it nga Edi Rama, zbatimit të urdhrave të tij politik. Por a do e respektojë Berisha një vendim të tillë? Vendimin do ta respektoj, sepse çështjen tani e kam në Strasburg. Këtë rast do e çojmë atje t’i shtohet dosjes”. Ndërkohë si vendim politik e kanë quajtur edhe zyrtarët e lartë të PD, si Agron Gjekmarkaj, Luçiano Boçi, Flamur Noka e deputetët demokratë. Sipas tyre 11 maji do të flasë në favor të opozitës.