Një avion luftarak rus, Su-25 Grach është rrëzuar të premten në rajonin e Donetskut, teksa kamerat kanë fiksuar momentin e shpërthimit të tij. Burime pranë Shtabit të Përgjithshëm të Ukrainës bëjnë me dije se avionic u qëllua nga kundërajrorët e trupave ukrainase, teksa në momentin e filmimit është kapur vetëm shpërthimi i tij. GJithashtu shfaqet edhe piloti i avionit, që arrin të dalë me katapultë para se Su-25-a e tij të përplaset në tokë dhe ët shpërthejë në flakë. Ngjarja ndodhi në një fshat në Mariinka, teksa zyrtarët rusë nuk kanë pranuar se avioni i tyre është goditur nga trupat ukrainase, por kanë deklaruar se janë duke hetuar shkaqet e rrëzimit. Ndërkohë piloti arriti të ulet pranë disa trupave ruse në terren dhe të kthehet i sigurt në bazë, duke mos rënë në duart e forcave ukrainase.