NJë derrkuc piktor, i quajtur Pigcasso, që u shpëtua rastësisht nga kasapi për tu bërë një artist me famë botërore, ka shitur një vepër abstrakte për një shifër rekord prej 20 mijë paundësh, ose 26 mijë dollarësh. Piktura, Ëild and Free, u shit të hënën e kaluar dhe pronari i ri është një blerës gjerman i quajtur Peter Esser. E kjo, thyen rekordin prej 14 mijë paundësh me të cilin është shitur një tjetër vepër arti e një kafshe, që ishte shënuar nga një shimpanze e quajtur Congo në 2005-ën. Piktura është një kanavacë e madhe, e pikturuar me blu, të gjelbër dhe të bardhë, për të cilën Pigcasso ka punuar disa javë. Kafsha artiste ka krijuar me qindra piktura gjatë pesë viteve të fundit pasi u shpëtua nga një thertore kur ishte shumë e vogël, nga pronarja, Joanne Lefson. Kjo e fundit e kishte zbuluar talentin e derrkucit pasi kishte harruar disa furca të vjetra në stallë, aksidentalisht. Ajo vendosi më pas ta ushqente interesin e kafshës dhe tani pigcasso po ia shpërblen mirë asaj. Deri më tani derri artist ka punuar mbi 400 vepra arti dhe të ardhurat nga shitjet nuk kanë qenë të pakëta.