Kompania amerikane, Pfizer dhe ajo gjermane, BioNTech pranuan që të furnizojnë me vaksinat e tyre kundër koronavirusit programin COVAX të Organizatës Botërore të Shëndetësisë. Lajmin e përcjell reuters, që kujton se qëllimi I Covax është shpërndarja e vaksinave anti covid ne shtetet e varfra. Pjesë e këtij programi është dhe Shqipëria e Kosova. Një burim I Reuters tha se dozat e para të vaksinës do t’iu jepen shteteve, që janë pjesë e COVAX-it, për të vaksinuar punonjësit e tyre shëndetësorë. Kompania BioNTech nuk ka dashur të komentojë për këtë marrëveshje, ndërkaq Pfizer nuk i është përgjigjur pyetjeve për këtë çështje. Përgjigje nuk kanë dhënë as nga OBSH-ja dhe aleanca për vaksina, GAVI. Vaksinat nga programi COVAX, I cili deri më tani ka siguruar doza nga kompania AstraZeneca, Instituti Serum i Indisë si dhe vaksina të prodhuara nga Sanofi, pritet të shpërndahen për vendet e varfra dhe ato me të ardhura të ulëta në muajin shkurt. Plani është të shpërndahen rreth 1.8 miliard doza në 2021 në 92 shtete, duke mbuluar nevojat për vaksinim të 27 për qind të popullatës së tyre.