Katër zyrtarë të Bashkisë së Korçës janë pezulluar nga detyra dhe me kërkesë të Prokurorisë iu është caktuar masa e sigurisë ‘Detyrim paraqitje’. Personat nën hetim, dyshohet se kanë favorizuar në mënyrë të paligjshme dhe me qëllime përfitimi subjekte dhe individë, duke llogaritur në mënyrë të paligjshme taksën e ndikimit në infrastrukturë për ndërtimet e reja dhe komplekset e luksit në disa lagje të Korçës në vlerë më të ulët se sa duhej të paguhej në bazë të ligjit. Në këtë mënyrë ato kanë shpërdoruar detyrën dhe duke dëmtuar rëndë interesat e ligjshëm të shtetit.