Një aksident I rëndë është shënuar në rreth orës 8:00 të kësaj të hëne në fshatin Mengel, në rrugën nacionale Elbasan-Librazhd. Një fëmijë 7 vjeç, është përplasur për vdekje nga një automjet I cili drejtohej nga një regjisori Petri Bozo. I mituri I është shkëputur të ëmës nga dora, ndërsa po kalonin rrugën për të shkuar në shkollë e cila është ngjitur me aksin nacional. Policia ka shoqëruar në Komisariat, për veprime të mëtejshme, 61-vjeçarin, ndërsa grupi hetimor po vijon hetimet për rrethanat e aksidentit. Aksi Elbasan Librazhd vijon mbetet problematik, duke e shndërruar në një ‘pikë të zezë’ për burime aksidentesh. Edhe më herët, banorët e fshatit Mengel ishin ankuar për mungesë të një mbikalimi, si dhe kanë protestuar për një pjesë të rrugës që kalonte pranë fshatit Mengël, punimet e së cilës çuan në mbylljen e shkollës së fshatit. Vetëm javën e kaluar janë regjistruar në rang vendi 9 raste aksidentesh, ku 5 persona kanë ndërruar jetë.