Policia franceze ka gjetur trupat e pesë foshnjeve në kuti kartoni në shtëpinë e një çifti në Francën juglindore, thanë disa burime të martën. Policia bëri zbulimin në qytetin Orange pasi gruaja lindi një foshnjë të shëndetshme të hënën, thanë burime pranë hetimit, pa dhënë më shumë detaje. Sipas mediave locale ndërkohë, ka qenë bashkëshorti ai që ka gjetur një trup të pajetë, në dekompozim e sipër, në një kuti, dhe e ka dërguar në spital. Që andej, është njoftuar policia e cila gjatë një kontrolli në shtëpi ka gjetur edhe eshtra të tjera në kuti kartoni. Cifti, kishte ndërkohë edhe dy fëmijë të tjerë, 8 dhe 12 vjec. Sipas një burimi, gruaja kishte lindur në 1994 dhe ishte shtëpiake. Në mars, një gjykatë franceze burgosi një grua 44-vjeçare me 25 vjet burg për vdekjen e dy prej foshnjave të saj të porsalindura, të cilat policia i gjeti në frigoriferin e familjes. Në vitin 2018, një gjykatë dënoi një grua me një bashkëshort depresiv dhe ndonjëherë të dhunshëm me tetë vjet burg për mbytjen e pesë prej foshnjave të saj të porsalindura dhe ngrirjen e trupave të tyre. Në vitin 2015, një gjykatë tjetër burgosi një nënë me nëntë vjet për vrasjen e tetë prej të porsalindurve të saj, me jurinë që arriti në përfundimin se ajo kishte gjykim të dëmtuar.