Një vit më parë, presidenti rus Vladimir Putin organizoi një koncert gala, në 80 vjetorin e Betejës së Kurskut, ku ushtria sovjetike dëboi forcat e Gjermanisë naziste, duke e quajtur këtë arritje, një pikë kthese në Luftën e Dytë Botërore. "Rëndësia e fitores në këtë betejë historike nuk mund të mbivlerësohet: ajo shkatërroi dhe eliminoi fuqinë goditëse të nazistëve," tha lideri rus në fshatin Ponyri, në Kursk, përpara se të ndante medalje për pjesëmarrësit në luftën e tij në Ukrainë. Tani, pajisjet ushtarake gjermane raportohet se janë kthyer në Rusi si pjesë e inkursionit të befasishëm të Ukrainës në rajonin e Kurskut. Kievi e kapi ushtrinë e Putinit të papërgatitur më 6 gusht dhe tani forcat ukrainase kanë kapur më shumë territor sesa Rusia ka mundur të marrë në Ukrainë që nga fillimi i vitit.