Një 49-vjeçar është arrestuar nga policia e Lezhës në Shënkoll pasi një ambient pranë banesës së tij e kishte përshtatur për kultivimin e bimëve narkotike. Sipas njoftimit të policisë operacioni i quajtur “Shënkolli” është organizuar nga strukturat e hetimit të narkotikeve, ku kanë hënë në pranga shtetasin Lad Nikolla. Sipas policisë nga kontrolli i ushtruar në ambientet e banesës së tij ishin kultivuar disa fidanë kanabisi në kubikë dhe vazo, në bodrumin e një ambienti të mbyllur dhe e kishte përshtatur me aparatura që shërbejnë për kultivimin dhe prodhimin e lëndëve narkotike. Gjatë kontrollit të banesës iu gjet dhe u sekuestrua një armë gjahu çifte që e mbante pa leje. dhe pajisje që kanë shërbyer për kultivimin e bimëve narkotike. Gjithashtu, shërbimet e Policisë kanë konstatuar lidhje të paligjshme të energjisë elektrike në ambientin e përshtatur për kultivimin e bimëve narkotike. Hetimi për rastin në fjalë po vijon nga prokurroia e lezhës dhe ndaj 49 vjeçarit Lad Nikolla rëndojnë veprat penale “Kultivimi i bimëve narkotike”, “Prodhimi dhe mbajtja pa leje e armëve të gjuetisë dhe sportive” dhe “Vjedhja e energjisë elektrike”.