Ministri i Jashtëm i Iranit deklaroi se Ngushtica e Hormuzit do të mbetet nën kontrollin e plotë të Teheranit për 30 ditët e ardhshme, duke paralajmëruar se çdo sulm i mëtejshëm amerikan do ta përkeqësojë situatën në rajon. Ndërkohë, SHBA-të kryen për të dytën ditë radhazi sulme ndaj objektivave në Iran, pas një sulmi me dron ndaj një anijeje tregtare pranë Ngushticës së Hormuzit. Sipas raportimeve, në sulme u goditën sisteme të mbrojtjes ajrore, depo raketash dhe dronësh, si edhe infrastrukturë mbikëqyrëse. Si kundërpërgjigje, Irani njoftoi se ka kryer sulme me raketa dhe dronë ndaj objektivave ushtarake amerikane në Kuvajt dhe Bahrein, duke pretenduar se janë goditur tetë objekte kyçe të infrastrukturës ushtarake amerikane.