Buxheti 8.2 miliardë eurosh i vitit të ardhshëm solli përplasje ideologjike mes deputetëve në parlament. Rritja ekonomike prej 3.9%, rënia e borxhit në 55.8% dhe ulja e informalitetit, sipas të djathtëve mbeten vetëm në letër dhe nuk janë të prekshme në mirëqënien e qytetarëve. “Pagat në sektorin publik janë rritur ndjeshëm dhe ne treguam se dimë të bëjmë realitet çfarë themi duke çuar pagën mesatare në sektorin publik në 900 euro. Edhe sektori privat ka të gjitha hapësirat për të ndjekur një vizion të tillë, pasi ekonomia jonë do të duhet të bëhet gjithnjë e më tërheqëse. Filozofia e kësaj qeverie është merrja të voglit për t’ia falur të madhit, oligarkëve. A e ndiejnë shqiptarët këtë rritje ekonomike? Përgjigjja është jo. Skema e taksimit socialist promovuar në 12 buxhetet socialiste ka qenë arsyeja kryesore që është krijuar informalitet, pasi bizneset gjejnë rrugëzgjidhje se si të shmangen nga taksat.”