Sikurse pritej, Kosova dhe Serbia kanë shkëmbyer sërish akuza në mbledhjen e Këshillit të Sigurimit të OKB-së në Nju Jork, ndërsa Shtetet e Bashkuara kanë përsëritur se normalizimi i marrëdhënieve mbetet e vetmja rrugë që dy vendet të lënë pas të shkuarën dhe të ecin përpara. Përfaqësuesja amerikane në OKB, Tammy Bruce, theksoi se Uashingtoni kërkon ulje të tensioneve dhe rikthim në dialog të vërtetë mes palëve, duke nënvizuar se SHBA do të mbështesë liderët që fokusohen te e ardhmja dhe bashkëpunimi, jo te konfliktet e së kaluarës.