Kryetari I Listës Serbe, Zllatan Elek, ka akuzuar liderin e partisë për Liri, Drejtësi dhe Mbijetesë, Nenad Rashiq, se një mandat në Kuvendin e Kosovës e ka fituar falë mbi 2.000 votave të shqiptarëve. Ellez thotë se serbët nuk mund të përfaqësohen nga një njeri për të cilin votojnë shqiptarët. Rashiq ka qenë në dy mandate ministër për Komunitete dhe Kthim në ekzekutivin e udhëhequr nga Albin Kurti. Sakaq, në zgjedhjet e parakohshme parlamentare të 7 qershorit, sipas rezultateve paraprake, Lista Serbe ka fituar 43.071 vota, ndërsa partia Për Liri, Drejtësi dhe Mbijetesë ka marrë 5.285 vota, ku bazuar në llogaritjen e votave të rregullta, Lista Serbe pritet të ketë nëntë nga dhjetë ulëset e rezervuara për komunitetin serb, ndërkaq partia e Rashiqit pritet të ketë një ulëse në Kuvend. Në një deklaratë për REL, Rashiq, argumenton se shumicën e votave të fituara i ka marrë nga komuniteti serb, por se besimin ia kanë dhënë edhe komunitete të tjera pakicë. Ai tha se pavarësisht presioneve nga Lista Serbe, vazhdimësia e rritjes në zgjedhje është e dukshme.