Ligji “Për strehimin social” që synon t’u ofrojë kredi të buta të punësuarve në administratë, hapi debate në komisionin parlamentar. Deputeti Tritan Shehu, ngriti shqetësime për terminologjinë e përdorur dhe diferencën mes familjes dhe bashkëjetesës, në mënyrë që të mos ketë ngatërresa serioze. Tritan Shehu: Nuk është familje bashkëjetesa. Familja është me martesë. Kodi i Familjes ka edhe birësime brenda, ka shumë gjëra. Pra...Kodi i Familjes është martesa. Nuk është e njëjta gjë me bashkëjetesën. Kodi i Familjes është shumë i gjerë. Nëse nuk do të martohesh me letra, mund të bësh një kontratë noteriale, nëse ligji e lejon le të marrin shtëpi, por jo të quhet familje. Nuk është familje, familja është tjetër. Familje jashtë martesës nuk ka në Shqipëri. Prandaj unë mendoj këtë gjë, t'ja kalojmë Komisionit të Ligjeve për interpretim, se për mua i ka shpëtuar kjo gjë.