Një sherr banal mes një grupi shqiptarësh në ishullin e mykonos, ka përfunduar në tragjedi. Sipas burimeve policore, një shqiptar është vrarë me thikë prej një bashkëatdhetari të tij, gjatë një përplasjeje mes dy grupesh shqiptarësh që dyshohet se ka ndodhur për shkak të prishjes së pazareve të drogës në ishullin kozmopolitan grek. Ende nuk janë bërë të ditur detaje të ngjarjes dhe identiteti i viktimës apo edhe autorët e mundshëm të përfshirë në këtë konflikt. Policia thotë se trupi i viktimës u dërgua në morg ndërsa janë ndaluar disa shtetas shqiptare që kanë lidhje me ngjarjen apo që kanë qenë dëshmitarë në momentin kur ndodhi krimi.