Demokratët Europianë, grupi parlamentar në PE që ka dalë hapur në mbështetje të protestuesve në Tiranë ka reaguar përmes rrjeteve sociale, ku thotë se demokracia shqiptare po përballet me një test serioz. Dubel demokratet europianë - “Imazhet që na mbërritën dje nga dita e 101 e protestës janë thellësisht shqetësuese. Policia ushtroi forcë joproporcionale dhe njerëz pa uniforma u panë tek shoqëronin qytetarët, duke ngritur pikëpyetje nëse ishin oficerë policie, apo individë që vepronin jashtë zinxhirit të llogaridhënies. Kjo dhe bllokimi dhe kufizimi i disa llogarive në rrjetet sociale të lidhura me protestën shtojnë shqetësimet për lirinë e shprehjes dhe informimit. Nën Edi Ramën, Shqipëria po përballet me një test serioz të standardeve të saj demokratike. Një vend që synon anëtarësimin në BE duhet të forcojë sundimin e ligjit, të mbrojë të drejtat themelore dhe të garantojë të drejtën e protestës dhe fjalës së lirë” Këtij reagimi të Demokratëve Europian iu përgjigj Kryeministri Edi Rama, po përmes rrjeteve sociale. Kreu i qeverisë e shoqëron reagimin me videon e përballjes së disa protestuesve me deputeten Iris Luarasi.