Tensionet mes presidentit të republikës, Bajram Begaj dhe eksponentëve të opozitës kulmuan në çelje të sesionit të ri parlamentar, por rrënjët i hodhën që prej ditës së betimit të Begajt si kryetar shteti. Bardhi (15 Janar 2024): “Nëse presidenti e di që vendit i duhet opozitë, do duhej më parë të adresonte krizën politike që ka muaj që vijon në sallën e parlamentit për shkak se opozitës i mohohen të drejtat kushtetuese dhe të kërkonte tryezë dialogu politik.” Begaj e gjeti Kuvendin në krizë dhe kaos që prej ditës së parë, kur deputetët e Partisë Demokratike bojkotuan seancën e votimit të tij si president ndërsa grupi i rithemelimit braktisi procesin e votimit. Megjithëse siguroi vetëm votat e socialistëve, që në krye të herës normalizimi i dialogut politik ka qënë pjesë e retorikës së Begajt.