Detyrim paraqitje vendosi gjykata e Tiranës për shoferin 21-vjeçar që akisdentoi me makinë mëngjesin e të enjtes një punonjës policie. Gjatë gjyqit I riu tha para togave të zeza se nuk e kishte parë efektivin pasi I kishte prerë rrugën në mënyrë të papritur. Nga ana tjetër organi I akuzës është në pritje të rezultateve të ekspertizës nga ana e spitalit, ndërsa sqaroi se efektivi ka dëmtime të lehta në trup dhe se ndodhet në spital jashtë rrezikut për jetën. Prokuroria e Tiranës ka marrë edhe dëshmitë e dy efektivëve të tjerë të policisë të cilët kanë qenë në shërbim në rrugën “Xhanfize Keko” në momentin kur ka ndodhur edhe aksidenti. 21-vjeçari ishte duke udhëtuar me mjetin e tij privat, kur efektivi i ka urdhëruar që të hapë krahun ky ka qenë dhe moment kur 21-vjeçari e ka aksidentuar duke e lënduar në këmbë policin.