Tetë persona kanë humbur jetën në shtetin amerikan të teksasit pasi një makinë goditi një grup njerëzish në një stacion autobusi pranë një qendre për strehimin e të pastrehëve dhe emigrantëve. Incidenti ndodhi në qytetin Braunsvill, afër kufirit meksikan, rreth orës 8.30 minuta sipas orës lokale. Të paktën pesë persona të tjerë janë lënduar, disa prej tyre në gjendje kritike. Shoferi u arrestua dhe tani është vënë nën akuzë. Policia e Braunsvillit, tha se nuk ishte e qartë nëse incidenti ishte i qëllimshëm apo jo.