Një shofer kamioni përplasi automjetin e tij mbi një turmë njerëzish në një stacion autobusi në Izraelin qendror të dielën, duke plagosur të paktën 24 persona përpara se të “qëllohej dhe neutralizohej”, tha policia. Të dhënat paraprake të policisë treguan se shoferi gjithashtu goditi një autobus që kishte ndaluar në stacion për të lënë atje pasagjerët, tha policia në një deklaratë. Të paktën 24 persona u plagosën në incident, tha policia. Megjithatë, forcat thanë se civilët në vendin e incidentit "qëlluan shoferin e kamionit dhe e neutralizuan atë". Më herët të dielën, shërbimi i urgjencës Magen David Adom tha se incidenti ndodhi në bulevardin Aharon Yariv në qendrën tregtare Ramat HaSharon, në veri të Tel Avivit. Nga të plagosurit, të paktën 16 persona janë transportuar në spitalet e afërta, tha shërbimi në një deklaratë. Oficerët e policisë dhe ambulancat nxituan në vendngjarje, ku kanalet televizive izraelite treguan zonën e rrethuar ndërkohë që mjekët ndihmonin të plagosurit dhe një helikopter fluturonte sipër. Incidenti vjen ndërsa Izraeli po mban ceremoni për të shënuar përvjetorin kalendarik hebraik të sulmit të Hamasit më 7 tetor të vitit të kaluar që shkaktoi luftën që vazhdon në Gaza por edhe Liban.