Piloti që humbi jetën kur përplasi një aeroplan mbi ndërtesën më të lartë në kryeqytetin kinez, Pekin, javën e kaluar, ishte një burrë 66-vjeçar me mbiemrin Liu, tha qeveria rajonale të enjten. Një banor i Pekinit, ai vuante nga pagjumësia dhe ankthi, tha qeveria, duke shtuar se shkaku i incidentit ishin "arsyet personale". Piloti devijoi nga trajektorja e paracaktuar ndërsa fluturonte vetëm dhe humbi kontaktin me një aeroport në distriktin periferik Pinggu të Pekinit. Sipas autoriteteve, piloti kishte probleme mendore dhe kishte shkruar për vetëvrasjen në ditarin e tij. 66 vjecari u përplas mbi kullën 528 metra të lartë, duke plagosur 13 persona atje. Rrëzimi i avionit ngriti pikëpyetje në lidhje me sigurinë e aviacionit në Pekin, me qiellgërvishtësen e shënjestruar që ndodhet vetëm 7 km larg nga kompleksi qeveritar ku qëndrojnë udhëheqësit e lartë kinezë.