Sekretari amerikan i Shtetit, Antony Blinken do t’i vijojë përpjekjet deri në fund të mandatit për t’i dhënë fund luftës në Gaza e Liban. Edhe pse në krye të administratës amerikane do të vijnë republikanët, demokratët kanë planifikuar që t’i vijojnë përpjekjet. “Ne do të vazhdojmë të punojmë në përfundimin e luftës në Gazë, përfundimin e luftës në Liban, rritjen e ndihmës humanitare [në Gazë]. Kjo është detyra jonë, që të ndjekim këto politika deri më 20 janar, kur presidenti i zgjedhur merr detyrën”, tha për gazetarët zëdhënësi i Departamentit amerikan të Shtetit, Mattheë Miller. Sekretari amerikan i shtetit ka zhvilluar vizita të njëpasnjëhsme në Izrael por dhe në vendet te tejra të Lindjes së Mesme por pavarësisht përpjekjeve Izrali hamas dhe Hezbllah nuk kanë arritur një marrëveshje armëushimi paso negoicatat kanë dështuar. Ndërkohë presidenti i ri i zgjedhur në SHBA, Donald Trump ka sugjeruar që do t’i japë më shumë liri Izraelit, teksa po vazhdon lufta në Gaza. Miller tha gjithashtu se Blinken ka emëruar Steve Mull, ish-diplomat karriere, për të menaxhuar tranzicionin me ekipin e Trumpit. Më 20 janar 2025, Trump do të inaugurohet si presidenti i 47-të i SHBA-së.