Përmbytjet po gjunjëzojnë pjesën jugore të Gjermanisë dhe tani po shtrihen poshtë Danubut duke kërcënuar Austrinë dhe Hungarinë. Pesë persona tashmë kanë humbur jetën pasi shiu i dendur bëri që lumenjtë të dilnin nga shtrati në Bavari dhe Baden-Ëürttemberg. Një nga viktimat ishte një grua që vdiq kur makina e saj doli nga rruga dhe u zhyt nën ujë në perëndim të Mynihut. Një zjarrfikës bavarez është zhdukur. Megjithëse shërbimi i motit gjerman thotë se shirat e rrëmbyeshme që kanë përfshirë zonën prej ditësh do të ndalen, niveli i ujit në qytetin historik Passau, ku takohen tre lumenj, tani ka arritur në afro 10 metra, niveli më i lartë ky në më shumë se një dekadë. Niveli i danubit është rritur po ahstu edhe në Austri dhe Hungari. Danubi shpërtheu nga brigjet e tij në qytetin e tretë më të madh të Austrisë, Linz, duke zhytur nën ujë zonat përreth.