Rrugë, restorante dhe shtëpi janë zhytur nën ujë pas shirave të rrëmbyeshëm në destinacionin e preferuar turistik të Ibizës, në spanjë. Reshjet e shiut erdhën një ditë pasi rajoni lindor i Valencias, ku më shumë se 200 persona humbën jetën një vit më parë në përmbytjet më vdekjeprurëse të Spanjës në dekada, u vu gjithashtu nën alarmin më të lartë të motit për reshje ekstreme shiu. Skuadrat e shpëtimit nga Njësia e Emergjencës Ushtarake Spanjolle është angazhuar për të ndihmuar banorët në Ibiza. Reshjet e rrëmbyeshme të shiut kanë shkaktuar përmbytje dhe kanë çuar në mbylljen e plazheve dhe shkollave, pasi agjencia kombëtare e motit AEMET tha se është regjistruar sasia më e madhe e shiut që nga viti 1952 në rajon. Në qytetin e Ibizës, AEMET tha se një stacion matës regjistroi 254 litra shi për metër katror në 24 orë, "më shumë se gjysma e reshjeve të zakonshme në një vit të tërë".