Saharaja zakonisht, regjistron shi, por vetëm disa centimetra në vit dhe rrallë herë në fund të verës. Megjithatë, gjatë dy ditëve në shtator, shi intensiv ra në pjesë të shkretëtirës në Marokun juglindor, pasi një sistem me presion të ulët kaloi mbi Saharanë veriperëndimore. Të dhënat satelitore të NASA-s treguan mbi 20 centimetra shi në disa pjesë të rajonit. Errachidia, një qytet i shkretë në juglindje të Marokut, regjistroi gati 8 cm reshje shiu. Kjo është më shumë se katërfishi i reshjeve normale për të gjithë muajin shtator dhe barazohet me vlerën e më shumë se gjysmë viti reshje për këtë zonë. "Kanë kaluar 30 deri në 50 vjet që kur kemi pasur kaq shumë shi në një hapësirë kaq të shkurtër kohore," tha për AP javën e kaluar një zyrtar nga agjencia meteorologjike e Marokut. Ndërsa shiu binte mbi shkretëtirë, ai krijoi edhe një pejsazh të ri, me ujë mes palmave dhe florës së shkretëtirës. Disa nga imazhet më dramatike janë nga qyteti Merzouga, në mesin e shkretëtirës, ku përmbytja e rrallë krijoi liqene në mesin e dunave të rërës.