Në Kuvend u përkujtua 82 vjetori i genocidit ndaj shqiptarëve të Çamërisë. Një minutë heshtje u mbajt në kujtim të shpitrave të humbur, jetëve të marra verën e vitit 1944, kur mijëra shqiptarë u vranë e u dëbuan nga tokat e të parëve të tyre. Deputetja e PDIU-së, Mesila Doda renditi aktet e ndërmarra deri tani për çështjen çame, teksa kujtoi se më shumë punë duhet bërë në drejtim të shfuqizimit të ligjit të luftës nga pala greke. “Akti më i rëndësishëm që PDIU ka ndërmarrë në parlamentin e Shqipërisë ka qënë aprovimi i rezolutës për Çamërinë në vitin 2013, një betejë e palodhur, por edhe gur kilometric i vendosur. Akti tjetër ka qënë rezoluta që i kujton shtetit heqjen e ligjit të luftës, një ligj arkaik që mbahet në këmbë si atavizëm për të kërcënuar marrëdhëniet tona me fantazmën e një lufte.” Socialisti Ardit Bido u shpreh se në kuadër të fqinjësisë së mirë me Greqinë, çështjet e hapura nuk duhet të fshihen nën qilim.