Shqiptarët përkujtojnë 79 vjetorin e Çlirimit të Atdheut, dita kur shumë të rinj ranë dëshmorë të atdheut për liri. 29 Nëntori, që kujton sakfricën e heronjve, është nderuar në një ceremoni zyrtare homazhesh, me praninë e shumë personaliteteve të larta politike të vendit. Kryeministri Edi Rama ka uruar të gjithë shqiptarë për 79 vjetorin e çlirimit, teksa ka marrë pjesë dhe në homazhet e zhvilluara në ndër të dëshmorëve. Përpos kryeminsitrit, ka qenë Presidenti Bajram Begaj, kryetarja e Kuvendit Lindita Nikolla si dhe figura të tjera, të cilët kanë zhvilluar homazhe në Varrezat e Dëshmorëve të Kombit. Kryetarja e Kuvendit, Lindita Nikolla ka bërë një urim të veçantë, në nder të kësaj dite të shënuar, duke shkruar se Shqipëria është një anëtare e denjë e NATO-s, kontribuuese e paqes, sigurisë dhe stabilitetit në Evropë e botë.