25 vjetori i vrasjes së Azem Hajdarit, i gjen sërish deputetët e Partisë Demokratike të përçarë. Ish-kryeministri Sali Berisha i shoqëruar nga familja Hajdari, Sekretari i përgjithshëm Flamur Noka, kreu i Këshillit Kombëtar Edi Paloka, nënkryetari Oerd Bylykbahi dhe deputetë të tjerë, zhvilluan homazhe në varrezat e dëshmorëve të Kombit. Së bashku me Berishën ishin bashkuar edhe deputetë kritikë me Lulzim Bashën, të cilët u sulmuan në mbledhjen e kryesisë së 7 qershorit, Dhurata Çupi, Bledion Nallbati apo Saimir Korreshi, teksa munguan Gazment Bardhi, Jorida Tabaku, Lulzim Basha dhe deputetët e tjerë demokratë përkrahës të këtij të fundit. Burime bëjnë me dije se Lulzim Basha ndodhet në takime në Këshillin e Europës, teksa një pjesë e deputetëve përkrahës të tij po ashtu jashtë vendit.