Vijon operacioni policor i koduar “Perimetiri” si rezultat i të cilit është vënë në pranga një 35 vjeçar, banues në fshatin Bitinckë, Devoll. Burimet zyrtare bëjnë me dije se shërbimet e Komisariatit të Policisë Pogradec, në bashkëpunim me strukturat për Hetimin e Krimeve në Drejtorinë Vendore të Policisë Korçë dhe Policinë Kufitare kanë goditur një tjetër rast të aktivitetit kriminal për kalim të paligjshëm të kufirit. Shtetasi i mësipërm, u kap nga shërbimet e Policisë në fshatin Gështenjas, Pogradec, duke transportuar me mjetin tip "Volksëagen", 6 emigrantë të paligjshëm, të cilëve kundrejt shpërblimit prej 200 euro për secilin, iu kishte premtuar kalimin drejt vendeve të Bashkimit Europian. Materialet i kaluan Prokurorisë së Rrethit Gjyqësor Pogradec për veprime të mëtejshme hetimore.