Kryetari i Partisë Demokratike, Sali Berisha tha në daljen e radhës me gazetarët se Gjykatës Kushtetuese po i bëhet presion që të rrëzojë trajtimin si prova të përgjimeve të SKY Encrochat, mbi bazën e të cilave SPAK ka nisur hetimet dhe ngritur akuza për disa dosje të bujshme në Shqipëri. BERISHA - “Sot jam para jush për të denoncuar një nga aktet më të shëmtuara dhe me pasoja më të rënda për këtë vend, presionin e jashtëzakonshëm që po bëhet mbi Gjykatën Kushtetuese për të vendosur zhvlerësimin e miliona faqeve, mesazhe dhe biseda, të sjella në përputhje me rregullin ndërkombëtar nga partnerët, agjencitë ligjzbatuese të vendeve partnere, në të cilat Shqipëria faktohet si një vend që nga bodrumet e kriminelëve dhe mafies gjer në zyrën e kryeministrit, sundohet nga krimi, krimi dhe vetëm krimi”