Julian Gjoshi, i dyshuari për vrasjen e 50-vjeçarit Alfred Dedja në Ndroq, është një emër i njohur për policinë shqiptare. Ai u arrestua më 19 janar 2021 për armëmbajtje pa lejendhe drejtim automjeti në gjendje të dehur pas një aksioni të policisë në Tiranë. Gjoshi, atëherë 23 vjeç, u kap gjatë një kontrolli rutinë në bulevardin “Gjergj Fishta”, ndërsa po udhëtonte me një mjet tip “Ford”. Gjatë kontrollit, forcat e rendit gjetën një armë zjarri tip “Beretta” dhe 10 fishekë, duke e proceduar atë për armëmbajtje pa leje. Gjithashtu, një pasagjer i tij, shtetasi E. B., u procedua penalisht për moskallëzim të krimit. Pas arrestimit, Gjoshi u lirua pas një periudhe të shkurtër dhe sipas përgjimeve të Sky Encrochat, për lirimin e tij ka ndërhyrë kunati Altin Hajri përmes ish deputetit socialist, Jurgis Çyrbja. Përgjimet tregojnë se në atë periudhe, Altin Hajri ka komunikuar intensivisht me Ccyrben, duke i kërkuar që të përdorë influencën si deputetë për të zbutur akuzën ndaj kunatit të tij. Ndërhyrja ka mjaftuar që akuza ndaj Julian Gjoshit të zbutej dhe ky i fundit të fitonte lirinë.