Menjëherë pas Edi Rama lëshoi qëndrimin e prerë për shkarkimin Metës nga posti i presidentit, kreu i shtetit ka reaguar duke publikuar raportin që sipas tij tregon se Shqipëria zë vendin e parë në rajon sa i takon presionit në rritje të kapjes së shtetit nga biznesi. Meta shprehet se këto përfundime janë negative dhe konfirmojnë qëndrimet e vazhdueshme publike të shprehur nga ana e tij me dekrete në mbrojtje të Kushtetutës. Kreu i shtetit thekson se në ditën Kombëtare të Drejtësisë është koha për t’i dhënë fund kapjes së shtetit dhe pandëshkueshmërisë. “Fenomeni i rrezikshëm i kapjes së shtetit është një komplot kundër demokracisë dhe kontrollit të qytetarëve ndaj institucioneve", shkruan Meta në Facebook. Meta ka shpërndarë një material që bën fjalë për një studim me konkluzione thellësisht negative konfirmon qëndrimet e vazhdueshme publike, që kam shprehur edhe me dekrete, në mbrojtje të sovranitetit, Kushtetutës, parimit të ndarjes së pushteteve dhe të konkurrencës së lirë. Fenomeni i “korrupsionit legjislativ” është kthyer në mjetin e ri të mbulimit të përfitimeve klienteliste të fondeve dhe pasurisë publike, ku për çdo përfitim të dhuruar, Kuvendi njëpartiak ka miratuar një ligj me porosi, për ta ligjëruar.