Një ngjarje e rëndë ka tronditur pasditen e së dielës Tiranën, ku si pasojë e të shtënave me armë zjarri, ka mbetur i vrarë një person. Ngjarja e rëndë është shënuar në Ndroq të kryeqytetit, rreth orës 15:30 minuta. Sipas informacioneve paraprake të policisë, ngjarja ka ndodhur në një lokal të njohur në Ndroq, ku autori është futur brenda dhe ka hapur zjarr duke e lënë të vdekur. Viktima është Alfred Dedja, 50 vjeç. Mësohet autori është identifikuar nga shërbimet e Policisë dhe një grup i posaçëm hetimor, në drejtimin e Prokurorisë, po vijon punën për zbardhjen e plotë rrethanave të ngjarjes, dokumentimin e plotë ligjor të saj dhe kapjen e autorit të dyshuar. Të njëjtat burime bëjnë me dije se autori i dyshuar i kësaj ngjarje të rëndë është Julian Gjoshi, i cili pas ngjarjes është larguar me shpejtësi me një automjet nga vendngjarja. Në momentin e krimit të rëndë në lokal mësohet të ketë patur edhe persona të tjerë, të cilët janë përfshirë nga frika e paniku.