Në nënstacionin elektrik të Karavastasë ka përfunduar investimi i Operatorit të Shpërndarjes së Energjisë Elektrike për fuqizimin e kapaciteteve të këtij nënstacioni si dhe rikonstruksionin e godinës. Ky nënstacion, shërben si nyje qendrore për furnizim me energji në zonën Fier – Lushnjë ndërsa prej tij furnizohen me energji edhe një numër i madh hidrovoresh. Ministrja e Infrastrukturës dhe Energjisë, Belinda Balluku së bashku me zëvendëskryeministrin, Erion Braçe dhe zyrtarë të tjerë inspektuan nga afër ndërhyrjet e bëra në këtë nënstacion, që mundësuan furnizimin pa pandërprerë me energji elektrike të hidrovorëve të zonës, duke shmangur kështu përmbytjet gjatë shirave. Nga ky investim do të përfitojnë cilësi më të mirë furnizimi me energji edhe afro 1 mijë banorë si dhe një sërë biznesesh agro-përpunuese, të cilat ushtrojnë aktivitetin në këtë zonë. Ministrja Balluku e ciësoi një investim të mirë ndërhyrjen e realizuar në nënstacionin elektrik të Karavastasë. sipas ministres investimet në sistemin energjetik synojnë rritjen e cilësisë së furnizimit për të gjithë abonentët, por njëkohësisht edhe reduktimin e humbjeve në rrjet si dhe aplikimin e pajisjeve më të fundit, të cilat shkurtojnë kohën e identifikimit dhe riparimit të defekteve. Duke ju referuar zonës së Divjakës, ajo tha të gjitha këto investime i paraprijnë ndërtimit të parkut fotovoltaik të Karavastasë, i cili do të jetë parku më i madh i këtij lloji në Ballkan dhe që pritet të ketë një impakt të madh jo vetëm në zonën ku do ndërtohet.