Prej kësaj të mërkure (18.12.2024) të moshuarit mund të nisin aplikimet për abone falas në kryeqytet. Për regjistrimin në portalin e përfitimit të së drejtës për Abone Pensionisti, qyetarët duhet të paraqiten pranë njësive adminstrative respektive ku banojnë. Përfitues të abonesë së pensionistit do të jenë të gjithë personat banues në Bashkinë e Tiranës, femrat që kanë mbushur moshën 60 vjeç dhe meshkujt të cilët kanë mbushur moshën 65 vjeç. Pasi të bëjnë regjistrimet ata do të duhet të paraqiten çdo muaj pranë pikave të shpërndarjes së aboneve me fotografi dhe kartë identiteti, për të kryer procedurat me qëllim marrjen e abonesë për muajin pasardhës. Pensionistët duhet të tërheqin abonetë vetëm në 5 pika të autorizuara nga Bashkia e Tiranës dhe që janë të shpërndara në kryeqytet. Përfaqësues të njësivë administrative thonë se interesi i të moshuarve për t’u pajisur me abone falas është e lartë.