Gjashtë persona të shpallur në kërkim janë arrestuar në Argjentinë, Shqipëri dhe Costa Rica, në kuadër të operacionit të koduar “Magma 2020”, për goditjen e pjesëtarëve të organizatës mafioze “Ndrangheta”. Policia e Shteti ka publikuar njoftimin zyrtar dhe pamjet nga operacioni ndërkombëtar për goditjen e pjesëtarëve të organizatës mafioze “Ndrangheta”. Policia ka bërë me dije se është kapur dhe prangosur Bujar Sejdinaj ose i njohur ndryshe me nofkën “Xhaxhai”. Ai ishte përfaqësuesi i Ndrangheta-s në Shqipëri dhe në zonën e Ballkanit dhe kishte marrë pjesë në blerjen e rreth 20 kg kokainë në Spanjë. Po në kuadër të operacionit është bërë dhe arrestimi në Elbasan, më 26 maj 2020, Adrian Cekinit, i cili ka qenë i shpallur në kërkim. Operacioni "Magma 2020", për goditjen e pjesëtarëve të organizatës mafioze "Ndrangheta” u zhvillua në të njëjtën kohë në Shqipëri, Itali, Argjentinë e Costa Rica. Në Argjentinë u arrestuan Ferdinando Saragò, i konsideruar nga hetuesit si korrier dhe njeri i besuar i ‘Ndrangheta, i ndodhur mes Amerikës së Jugut dhe Kalabrisë. Giovanni Di Pietro i cili, sipas hetuesve ishte “zyra e përparme” midis bandave italiane dhe furnizuesve të drogës në Amerikën e Jugut dhe merrej direkt me eksportin; Fabio Pompetti, falë rrjetit të tij anashkaloheshin kontrollet doganore. Për vite me radhë ai do të ishte “zëdhënësi” i furnizuesve nga Amerika e Jugut tek ‘Ndrangheta. Në Kosta Rika u prangos Franco D’Agapiti, pronar i hotelit kazino “Amapola” në San José, i cili konsiderohej si pikë referimi për anëtarët e bandës. Ai ishte përgjegjës për lehtësimin e hyrjes së kokainës në Itali dhe ofrimin mbështetjes logjistike për anëtarët e bandës.