Shtabi i Përgjithshëm i Forcave të Armatosura të Ukrainës ka përditësuar bilancin e luftës në vnd, duke raportuar se deri të enjten e 20 prillit, numri i rusëve të vrarë në betejë ka shkuar në 185 050, nga të cilët, 630 vetëm gjatë luftimeve të ditës së kaluar. Gjithashtu Rusia ka humbur 3668 tanke, 7126 makina luftarake, 5713 autobote, 2827 sisteme artilerie, 539 raketa-hedhëse, 308 aeroplanë, 293 helikopterë dhe 2394 dronë luftarakë. Rusia nisi sulmin në shkallë të gjerë mbi Ukrainë më 24 shkurt të vitit të kalaur dhe që atëherë kanë kaluar më shumë se 400 ditë luftime të ashpra. Pas valës së parë të sulmeve në të gjithë Ukrainën, beteja tashmë është zhvendosur kryesisht në rajonin e Donetskut, kontrolli i të cilit është edhe objektivi i luftës për Rusinë. Ndërkohë, luftëtarët ukrainas kanë çliruar tashmë një pjesë të madhe të qyteteve dhe pas më shumë se 400 ditësh luftime dhe po përgatiten për një kundërofensivë pranverore, ku synojnë të marrin kontrollin e pjesës më të madhe të zonave ku luftohen ende.