Sali Berisha u ndal në Durrës këtë të martë ku zhvilloi foltoren e radhës me demokratët. Ai akuzoi qeverinë se vodhi fondet dhe se refuzoi të shpallë gjendjen e emergjencës duke lënë banorët e Durrësit nën ujë gjatë përmbytjeve. Durrësi, këto muajt e fundit, qyteti i ri dhe i vjetër, rrethinat, kanë njohur përmbytjet pothuaj apokaliptike, të papara ndonjëherë. […]Përmbytjet, natyrisht, të shkaktuara nga shirat, por po kaq, nga korrupsioni, nga vjedhja e fondeve të përcaktuara për pastrimin e kanaleve, për tërheqjen, evakuimin e ujrave nga hidrovorët dhe sistemi i kanalizimeve. A ka njeri të ketë pësuar gjënë më të vogël, ta quajmë sabotim është pak, se të përmbysësh 600 familje, t’u fusësh ujin dhe t’i lësh ato me ditë të tëra, është një krim i shëmtuar i shumëlloj. A dha kush llogari për këtë që ndodhi? Askurrëkush! Ai tha më tej se pasuritë e vendit po përdoren për pasurimin e qeveritarëve ndërsa u zotua se PD do të përballet me qeverinë deri në rrëzimin e saj.