Komisioni i Bashkimit Evropian mendon se vendet anëtare duhet të analizojnë sistematikisht ujërat e zeza për koronavirusin, në mënyrë që të ndalohet pandemia e saj. "Monitorimi i ujërave të zeza mund të jetë një burim i lirë, i shpejtë dhe i besueshëm informacioni rreth përhapjes së virusit dhe varianteve të tij në popullatë," tha Komisioneri i BE-së për Mjedisin dhe Oqeanet, Virginijus Sinkevicius, për gazetën "Ëelt am Sonntag".27 shtetet anëtare duhet të "krijojnë sisteme efektive për monitorimin e ujërave të zeza sa më shpejt të jetë e mundur". Kjo mund të bëhet maksimumi brenda prej gjashtë muajsh. Kontrolli i ujërave të zeza është "një koncept i provuar dhe i testuar për mbikëqyrjen e shëndetit publik". Disa metropole evropiane, për shembull Barcelona, përdorin mostra të ujërave të zeza për të përllogaritur sasinë dhe llojin e konsumit të drogave, shpjegoi Komisioneri i Mjedisit dhe i Oqeaneve. Analiza e ujërave të ndotura mund të përdoret jo vetëm si sistem paralajmërimi i hershëm. "Nëse në ujërat e zeza nuk zbulohen gjurmë të virusit, kjo mund të jetë një tregues se në zonat e shqyrtuara rreziku duhet të jetë më i ulët," shtoi Komisioneri i BE.