Shqipëria renditet e para në Europë dhe të dyta në botë, sa i përket normës së turistëve ndërkombëtarë, të futur në territorin tonë në harkun kohorë të 7 muajve, nga janari deri në korrik. Këto janë të dhënat e publikuara në raportin më të fundit nga Barometri i Turizmit Botëror, ku thuhet se përgjatë kësaj periudhe në Shqipëri u futën 5.6 milionë vizitorë të huaj, pra rreth 800 mijë më shumë se në vitin 2019 duke arritur një ndër performancat më të mira të rikuperimit të sektorit pas pandemisë.